الكون فراغ
والنفس اول سلمه للهاويه
لما بتركب حلمها للمستحيل
وف وسط دايرة نفسنا
بؤرة وجع
بتشد عمرى وتجدله
سكة سفر للانتهاء
ما بقاش ف سدرى
غير بواقى الذاكره
لسه الرفوف شايله المبادىء
هي هى
لسه الحنين جوه القصايد
ما فضلش منى
غير هياكل للبدايه
ما تقوليش
ان الستار ما نزلش لسه ع النهايه
ايه الدليل
دانا كنت لون النن ف عيونك
وانتى المدار
دلوقتى ناطقك صرختين
صرخه بتعلن انتمائى للوجع
والتانيه بتفكرنى بيكى
ماتقوليش ان السكوت ممكن
يكون عكس الرضا
ما تقوليش له معنى تانى بيتولد
ـــــــــــــــــــــــــــــــــــــــــــــــــــــــــ
